Online Preparation of Second Year Urdu Full Book Short Questions

Question # 1

مندرجہ زیل اقتباس کا حوالہ متن، سیاق و سباق کے حوالے سے تشریح کریں - اقتباس: " لیکن احمق ! ہونی کو............. زبان سے نکلتی ہے."

Ans 1: تشریح : ڈراما " قرطبہ قاضی" میں قاضی یحییٰ بن منصور کے ایک خانہ زاد عبداللہ اور قاضی کے مجرم بیٹے زبیر کی دایہ حلاوہ کے درمیان زبیر کو دی جانے والی سزا اور اس پر عمل درآمد کے بارے میں گرما گرم اور رقت انگیز بحث جاری ہے حلاوہ بے حد مایوس اور پریشان ہے جبکہ عبداللہ اس کی ڈھارس بندھاتے ہوئے زبیر کی سزا پر عمل درآمد کو خارج از امکان قرار دیتا ہے کیونکہ شہر میں داخل ہونے والے ہر شخص سے کلام پاک پر حلف لیا جائے گا کہ وہ زبیر کی سزا سے کوئی سروکار نہیں رکھے گا. پورا شہر پہلے ہی اس سزا کے خلاف ہے لیکن ان تمام تسلیوں کے باوجود ھلاوہ کے اندر پرورش پانے والا خوف کسی طرح کم ہونے میں نہیں آتا- وہ قاضی کی شدید ایمان ساری سے بھی لرزاں ہے اور کسی انہونی آفت نے بھی اسے خوف زدہ کر رکھا ہے. زبیر کو چونکہ اس نے اپنے دودھ پر پالا ہے وہ کہتی ہے کہ میں دنیا اور حالات کا محض ظاہری آنکھ سے مشاہدہ نہیں کرتی بلکہ میری باطن کی آنکھیں بھی حالات کا پوری طرح جائزہ لے رہی ہیں- میں اپنی باطن کی انھی آنکھوں سے زبیر کے جوان جسم کو سولی پر جھولتے دیکھا ہے- وہ زبیر جو پیدا ہوتے ہی میری گود میں دے دیا گیا تھا- اور میں نے جسے لوریاں سنا کے اور دودھ پلاپلا کے ایک خوبصورت جوان بنایا ہے ، ایسا جوان جس کی رعنائی پر لوگ رشک کرتے ہیں.

Question # 2

مشکل الفاظ کے معنی تحریر کریں.

Ans 1: مناقب: منقبت کی جمع ،اوصاف ، خوبیاں ، اصحاب کبار کی مدح - علامہ: نہایت علام فاضل آدمی- ابن جوزی؛ اپنے عہد کے بڑے نامور خطیب ، مصنف اور صوفی تھے. محدث: حدیث کا علم جاننے والا -سیرت العمرین : علامہ ابن جوزی کی معروف تصنیف جس میں حضرت عمر فاروق رضہ اور حضرت عمر بن عبدالعزیز کے حالات اور عہد حکومت کے واقعات تحریر کیے گئے ہیں. فتوحات : فتح کی جمع- تنزل و نصب: برطرفی اور بحالی، ترقی اور تنزل ، ادل بدل کرنا یا ہونا- قلم انداز کرنا: لکھتے ہوئے چھوڑ دینا، نظر انداز کردینا.- واقعات : واقعہ کی جمع - نقل کرنا: تحریری کرنا-قابل ٌھاظ : لائق توجہ- طرز عمل : سلوم، طریق کار - مجسم ؛ کامل جسم رکھنے والا-شخصی حالت : ذاتی حیثیت- مسند: بیٹھنے کی جگہ-

Question # 3

اکبری اور حماقتیں کا خلاصہ بیان کریں.

Ans 1: خلاصہ: اکبری ایک بد سلیقہ اور نادان لڑکی تھی جو سسرال والوں سے لڑ جھگڑکر خاوند کے ساتھ اکیلے گھر میں رہنے لگی. انھی دنوں شہر میںکسی مکار اور تھگ عورت کی آمد کا شور مچھا ہواتھا. جہو بہانے بہانے سے گھروں میں داخل ہوکر سادہ لوح گھریلو خواتین کو لوٹ لیتی تھی.
Ans 2: اگرچہ اکبری کے خاوند محمد عاقل نے گھر میں کہ بھی رکھا تھا کہ کسی اجنبی عورت کو گھر میں نہ گھسنے دینا لیکن اکبری چونکہ پر لے درجے کی غیر زمے دار اور احمق واقع ہوئی تھی. اس لیے جب ایک دن وہی مکار عورت حجن بدل کر گلی میں ائی اور گلی کی عورتوں کو پھسلانے اور ورغلانے کے لیے تبرکات وغیرہ کھانے شروع کیے تو اکبری سے بھی نہ رہا گیا- اس نے اپنی ملازمہ زلفن کے زریعے نام نہاد حجن کو اپنے گھر بلالیا. پھر اس کی چکنی چیڑی باتوں سے متاثر ہوکر اس کی خوب خوب خاطر داری اور تواضع کی. اس کے تبرکات میں سے دو چیزیں یعنی سرمہا ور ناد علی بھی اپنے لیے پسند کرلیں.
Ans 3: مکارعورت پہلی نظر ہی میں بھانپ گئی کہ یہ احمق لڑکی اس کے بہکاوے میں آجائے گی. اسی لیے اس نے صرف اسے نہات سستے داموں چیزیں فراہم کردیں بلکہ دو ایک اشیا تحفے کے طور پر مفت بھی دے دیں جس سے اکبری اس پر بالکل ہی لٹو ہگئی. اکبری اب تک لاولد تھی. کٹنی نے اسے اولاد پیدا کرنے کا نسخہ بتا کےاور بھی گرویدہ کرلیا.
Ans 4: اکبری کو جو کپڑے جہیز میں ملے تھ ، وہ بھی دھوپ اور ہوا نہ لگوانے کی وجہ سے دیمک کی نذر ہوگئے گھر کے قیمتی برتن بھی عدم احتیاط کی بنا پر چوری ہوگےئ. یوں محمد عاقل کا ہنستا بستا خوش حال گھر بیوی کی بدسلیقگی اور پھوہڑ پن کی وجہ سے طرح طرح کے مسائل و مشکلات کا شکار ہوگیا.

Question # 4

مشکل الفاظ کے معنی تحریر کریں -

Ans 1: زخائر: بڑے ذخیرے والا ، بہت بھرا ہوا- برسرپیکار ہوا: مقابلہ یا کام شروع کیا- مہا گرد:سب سے بڑا- بساطی: چھوٹی موٹی چیزیں بیچنے والا- دیوالیہ ہوگئے: کنگال ہوگئے- اختراع: بئی چیز گھڑنا-نرسری: شیر خوار بچوں کو سنبھالے رکھنے کے لیے انتظامات- سیکنڈ ہینڈ: پرانی- توشل: زریعہ ، وساطت- پھٹیچر: پرانا بیکار- پر اسرار: بھیدوں بھرے- بے سروپا:جس کا کوئی سر پیر نہ ہو.

Question # 5

مشکل الفاظ کے معنی تحریر کریں -

Ans 1: کھڑکی کاپٹ: کھڑکی کا تختہ- مخلوط- بے حس و حرکت: بالکل خاموش اور ساکن- جاں نثار: جان قربان کرنے والا- ڈھنڈ و راپٹنا: اعلان ہونا، منادی کرنا- آمادہ: راضی ، تیار- ابلیس: شیطان - مرعوب ہونا: رعب میں آجانا، ڈر جانا ، متاثر ہونا- مدھم: اہستہ. دھیمی -ناظر عدالت: عدالت کے اہل کار

Question # 6

مشکل الفاظ کے معنی تحریر کریں -

Ans 1: پبلشر: ناشر ، کتب شائع کرنے والے- کتب فروش: کتابیں بیچنے والے- قندھار: جنوبی افغانستان کا ایک قدیم شہر جو دریائے ارغنداب کے کنارے اباد ہے. شیطانی چرغہ: شیطان کی بنی ہوئی مشین. مطبع: چھاپہ خانہ، پرنٹنگ پریس - تالیف: مرتب کردہ - طباعت: چھپائی -مانگ : طلب - شائقین: شوق رکھنے والے- بنیا: پرچون فروش-بدعت :غیر شرعی کام: زنگ خورہ سلیپر : زنگ لگے ہوئے لوہے

Question # 7

سبق اکبری کی حماقتیں کے اقتباسات کی تشریح حوالہ متن ، سیاق و سباق کے حوالے سے تشریح کریں-

Ans 1: سبق کی تشریح :اکبری کےخاوند کو نہایت بردبار سمچھ دار اور معاملہ فہم بتایا گیا ہے - لیکن جب اکبری اسے حجن سے خرید کی گئی بعض اشیا کوہ طور کا سرمہ، ناد علی، فیروزے کی انگوٹھ اور خاص لاہور کا بنا ہوا چوڑا چکلا ، گلابتوں کی لچھے دار ہڑوں والا ازار بند دکھایا. یہ سب اس نے نہایت سستے داموں حاصل کیے تھے.حجن نے بتارکھا تھا کہ محلے میں ایک بیگم صاحب رہتی ہیں جو اب غریب ہوگئی ہیں اور گھر کا مال اسباب بیچ کر گزارا کرتی ہیں اور وہ یہ چیزیں اس سے خرید کرلاتئ بجائے اس کے محمد عاقل ان سستی چیزوں کو شک کی نگاہ سے دیکھتا یا اکبری کو کٹنی سے ملنے سے منع کردیتا، الٹا وہ بھی سستا مال دیکھ کر لالچ میں آگیا. اس لالچ کے بارے میں سب جانتے ہیں کہ نہایت بری بلا ہے، اول اول اس میں کوئی ظاہری فائدہ چھپا ہوتا ہے لیکن اس کے بعد کے اثرات اور نقصانات نہایت دورس ہوتے ہیں. تاریخ گواہ سے کہ بڑا سے بڑا آدمی جب بھی لالچ میں پڑ کے کوئی فیصلہ کر بیٹھا تو وہ کوڑیوں کا ہوگیا. بڑے بڑے سپہ سلاروں نے اسی طمع کی بناپر جیتی ہوئی جنگیں ہاردیں. انسان تو انسان جنگلی جانور اور چرند پرند حتیٰ کہ دریا میں تیرنے والی مچھلی بھی جب کبھی دانے یا چارے کے لالچ میں آجائے تو جال میں پھنس جاتی ہے پھر یہ یا تو انسانی خوراک کا حصہ بن جاتے ہیں یا ساری عمر کسی پنجرے یا قید خانے میں گزارنا پڑجاتی ہے.

Question # 8

سیاق و سباق کے حوالے سے درج زیل اقتباس کی تشریح کیجئے نیز سبق کا عنوان اور مصنف کا نام بھی لکھیے- " ایوب صاحب کی سیرت و شخصیت کا عجیب اور نادر پہلو یہ تھا کہ بڑے سے بڑا آدمی ہو یا چھوٹے سے چھوٹا ، ان سے عزت آمیز محبت کرتا تھا-ترس کھا کر یا مجبور ہوکر نہیں بلکہ ان سے محبت کرنے میں اسے لطف آتا تھا- ایوب سے محبت کرکے جیسے دل کو تسکین ہوجاتی تھی، ایک طرح کی پر افتخار اور اطمینان بخش تسکین - جیسے یہ احساس کہ ہم میں بھلائی کرنے یا بلند ہونے کا جذبہ یا استعداد ہے-ایوب سے محبت نہ کیجیے یا ان کی عزت نہ کیجیے تو یہ محسوس ہوتا کہ ہم میں بھلائی کرنے یا بلند ہونے کا جذبہ یا استعداد ہے- ایوب سے محبت نہ کیجئے یا ان کی عزت نہ کیجئے تو یہ محسوس ہوتا کہ ہم میں شریفانہ جذبات یا احساس زمہ داری کی کمی ہے- اس کے ساتھ ساتھ یہ بھی مدنظر رکھیے کہ ایوب صاحب کے دل میں یہ بات کبھی گزری ہی نہیں کہ ان کی خدمات کا صلہ مل رہا ہے یا نہیں - معاوضے کا احساس شاید ان میں پیدا ہی نہیں کیا گیا تھا- بڑے چھوٹے کی خدمت میں یکساں لطف وتن وہی سے کرتے تھے".

Ans 1: حوالہ متن : سبق کا عنوان : ایوب عباسی مصنف کا نام : رشید احمد صدیقی

Question # 9

سیاق و سباق کے حوالے سے درج زیل اقتباس کی تشریح کیجئے نیز سبق کا عنوان اور مصنف کا نام بھی لکھیے- " دوستوں میں سے کوئی بیمار پڑا اور یہ آموجود ہوئے، رات دن کا مسلسل قیام ، پاؤں دبارہے ہیں سر میں تیل ڈال رہے ہیں ، دوالارہے ہیں، کھانا تیار کررہے ہیں - بیماری میں آدمی چڑچڑا ہوجاتا ہے چنانچہ اس کی ہر قسم کی زیادتیاں بھی سہہ رہے ہیں - بیمار اچھا ہوا تو شکریے میں بھی سخت سست ہی کلمات کہے".

Ans 1: سیاق وسباق:ایوب عباسی ایک عام آدمی تھا اور عام آدمی بھی ایسا کہ کبھی قابل التفات نہ ہو- حلیے، رنگ روپ اور قدوقامت اور ظاہری ہیت کے لحآظ سے نظر انداز کیے جانے کے لائق لیکن حسن اخلاق اور حسن عمل کے حوالے سے وہ سب پر فوقیت رکتھے تھے - عزیز و اقارب کے علاوہ دوستوں ، یونیورسٹی کے اساتذہ اور ملازمین سب کی خدمت کرنا ور سب کے کام آنا، سب کے دکھ سکھ میں شرکت ان کا وتیرہ تھا- ان کا گھر بارہ مہینے اعزہ اور دوستوں کے بچوں سے بھرا رہتا تھا- ایوب عباسی ان کے اخراجات اور ضروریات کا خیال رکھتے- آفس کے لوگوں کا بھی خیال رکھتے اور اس کی مصروفیات دیکھ کر حیرت ہوتی کہ وہ زندہ کیسے ہے اور ہوش و حواس کیسے قائم رکھے ہوئے ہے. ان کی شخصیت کا یہ پہلو بڑا منفرد تھا کہ ہر چھوٹا بڑا ان سے محبت کرتا اور ان کی عزت بھی- پرووسٹ کے دفتر میں اہم عہدے پر تھے- اس لیے تمام ملازمین اور طلبہ کے حالات و معاملات سے انہیں آگاہی رہتی -

Question # 10

مشکل الفاظ کے معنی تحریر کریں.

Ans 1: ًماضی: گزرا ہوا زمانہ- استقبال: مستقبل میں آنے والا دور -روایت کرنا: بیان کرنا- مسرت عام: ہر دم خوش باش- بے فکری مدام: ہمیشہ کےلیے بے فکری-ملک فراغ: ایسا ملک جہاں فارگ البالی کا دور دورہ ہو. خسرو: قدیم زمانے کا یک مشہور اور بڑا بادشاہ-فرشتہ مقام: فرشتوں جیسا پاکیزہ اور بلند مرتبہ اطاعت : حکم ماننا

Question # 11

سبق مولانا ظفر علی خاں کا مرکزی خیال بیان کریں.

Ans 1: مولانا ظفرعلی خاں ہٹ کے پکے تھے جو ٹھان لیتے، کر گزرتے-گھڑ سواری، نیزہ بازی، پیراکی اور کشتی گیری کا فن جانتے تھے- زود گو ایسے کہ اکثر نظمیں آدھ آدھ گھنٹے میں لکھیں- کوئی اچھا شعر کہتا یا اچھا مضمون لکھتا تو انعام دیتے اور حوصلہ افزائی کرتے-انہیں اخبار کی زبان اور کتابت کی صحت کا بڑا خیال رہتا- جب تک دفتر میں رہتے سب کی جان پر بنی رہتی.

Question # 12

سیاق و سباق کے حوالے سے درج زیل اقتباس کی تشریح کریں نیز سبق کا عنوان اور مصنف کا نام بھی لکھیں. " اگر کوئی مرزاغالب................. محفوظ رہتے ہیں."

Ans 1: سیاق و سباق: اس پیراگراف میں سفرنامہ تحریر کیا گیا ہے جو کہ کابل کی بجائے واپس پشاور میں جہاز اتارنے کا شگفتہ بیان ہے اس پیراگراف کے سیاق میں کابل میں ریلوے کی کہانی دریائے کابل کا کراچی کے گندے نالے سے موازنہ دریائے کابل سے مٹکوں میں پانی بھرنے نیز مٹکوں اور صراحیوں کے حوالے سے عمر خیام اور نظام سقہ کا تذکرہ ہے.

Question # 13

سبق محنت پسند خرد مند کا تعارف و پس منظر بیان کریں.

Ans 1: محمد حسین آزاد اردو کے نامور اور صاحب طرز انشا پر واز اور ادیب ہیں. وہ ایک عمدہ نظم گو اور نقاد بھی تھے. انھوں نے دہلی کے ممتاز اخبار ںؤیس مولوی محمد باقر کے ہاں 01 جون 1830 کو آنکھ کھولی جنہیں 1857 کی جنگ آزادی میں انگریزوں نے قتل کردیا.
Ans 2: 1865 میں آزاد انجمن پنجاب کے سیکرٹری مقرر ہوئے. انھوں نے حالی کے ساتھ مل کر موضوعاتی مشاعرے کرائے اور جدید شاعری کا آغاز کیا. انھون نے محکمہ تعلیم کے لیے نصابی کتب بھی لکھیں. کچھ عرصہ گورنمنٹ کالج لاہور اور اس کے بعد اورینتل کالج لاہور میں فارسی اور عربی کے پروفیسر بھی رہے. آخر عمر میں اکلوتی بیٹی کی وفات اور دیگر صدموں کی وجہ سے دماغی توازن کھوبیٹھے اور اسی حالت میں 1910 میں فوت ہوئے.

Question # 14

سیاق و سباق کے حوالے سے درج زیل اقتباس کی تشریح کیجئے نیز سبق کا عنوان اور مصنف کا نام بھی لکھیے- "ہم نے اکثر شاعروں کو دیکھا ہے کہ شعر کہنا چاہتے ہیں تو شفاءالملک حکیم فقیر محمد صاحب چشتی سے رجوع کرتے ہیں اور ہفتہ بھر مسہل لے لیتے ہیں اور پھر فی یوم ایک شعر کے حساب سے کہتے چلے جاتے ہیں یہ نہیں کرتے تو بیوی کو پیٹتے ہیں یا اس سے پٹتے ہیں- بچو کو جھڑکتے ہیں- زرا گھر میں شور ہوا وہ سر کے بال نوچنے لگے ہائے عنقائے مضمون دام میں آگے چلا گیا- کم بختوا ملعونو! تمہارے شور نے اسے اڑادیا- مولانا ظفرعلی خاں کا یہ حال نہیں جس طرح ہم اور آپ باتیں کرتے ہیں اسی طرح و شعر کہتے ہیں ."

Ans 1: حوالہ متن: سبق کا عنوان: مولانا ظفر علی خاں مصنف کا نام: چراغ حسن حسرت

Question # 15

مشکل الفاظ کے معنی تحریر کریں-

Ans 1: فرصت: فارغ وقت- مصروف: کام میں کھویا ہوا-تمپریچر لینا: تھر مامیٹر سے بخارکا اندازہ کرنا- انجکشن ٹیکا ناغہ کرنا: چھٹی کرنا-سیرپ: شربت-ٹرے: سامان کی کشتی، سینی طباق- پراسرار : بھیدوں بھیر راز دارانہ

Question # 16

سبق مولوی نذیر احمد کا سبق کا خلاصہ تحریر کریں -

Ans 1: جب ریاست چاورہ کے نواب افتخار علی خاں کے بھائی نواب سرفراز علی خاں بیمارہوئے تو انہیں خواب میں مولوی نذیر احمد کا کیا ہوا قرآن کا ترجمہ چھپوانے کا اشارہ ہوا جس کی مولوی صاحب نے انہیں اجازت دے دی- بچپن میں پنجابی کٹٹے کی مسجد میں زمانہ طالب علمی میں فرش پر کہنیاں ٹکا کر رات رات بھر پڑھنے وہ اپنے بچپن کے مصائب بڑے فخر سے بیان کیا کرتے تھے- مسجد کے بدمزاج ملا کا رویہ سخت میں ٹاٹ کی صف میں لپٹ کر سونا، محلے کے گھروں سے روٹی مانگ کر لانا، مولوی نذیر احمد اپنی غیر معمولی قابیلت کا بنا پر سر سید کے مقربین میں شامل تھے- اگر چہ سرسید سے بعض معاملات میں آختلاف رکھتے تھے لیکن مسلمانوں کی تعلیم و ترقی کے باب میں وہ ان کے حامی و مددگار تھے- سرسید مولوی نذیر احمد سے عمر میں بیس بائیس سال بڑے تھے لیکن وہ مولوی عمر میں بیس سال بڑے تھے لیکن وہ مولوی صاحب کا بہت احترام کرتے تھے اور فرمایا کرتے تھے کہ مولوی صاحب میں اس لائق بھی نہیں ہوں کہ اپ کے جوتے کے تسمے باندھوں- مولوی صاحب عربی کے نہایت جید عالم تھے- لوگ قرآن کے ترجمے کا تقاضا کرتے لیکن وہ ٹال جاتے ملازمت سے سبکدوشی کے ترجمعہ کیا تو اکثر قرآنی آیات کا بھی ترجمہ کرنا پڑا- پھر یہ شوق اس قدر بڑھ گیا کہ قرآن کا شستہ وبا محاورہ ترجمہ کر ڈالا- اس ترجمے میں انھوں نے انتہائی محنت ، تحقیق اور احتیاط سےکام لیا مولوی صاحب کو اپنی تمام تصانیف میں یہ ترجمہ سب سے زیادہ پسند تھا اور وہ اسے اپنے لیے توشئی آخرت سمنجھتے تھے-

Question # 17

مشکل الفاظ کے معنی تحریر کریں -

Ans 1: ایوان: بڑا کمرہ ہال،محل کا حصہ- دریچہ: کھڑکی، روشن دان- زینہ: سیڑھی- شمع دان: موم بتی- گل کرنا: بجھادینا، ختم کردینا- بد فال: برے شکون والے، - نحس: منحوس- رب اللعالمین: تمام جہانوں کا پالنے والا- شگاف : دراڑ ڈالنا- تکان: تھکن نشتر زبان: نشتر جیسی زبان والی - چارہ ؛ علاج .بچاؤ کا طریقہ- فتویٰ: شرعی فیصہ ، مفتی دین کا حکم.- چڑکر: ناراض ہوکر، بگڑ کر- کلام پاک: قرآن اللہ کا کلام کوڑھ مغز: کند زہن ، کم عقل - دوش پر ہونا: شمے ہونا کاندے پر ہونا- سلطان: بادشاہ حآکم- تکمیل ہونا: عمل میں لانا، انجام پانا- احمق: بیوقوف، حماقت کرنے والا-ہونی شدنی: تقدیر، قسمت کا لکھا-بے نور: اندھیرا ، تاریک- سجیلا: سجا ہوا ، خوبصورت ، بنا سنورا

Question # 18

مشکل الفاظ کے معنی تحریر کریں -

Ans 1: شکست خوردہ ذہنیت: مقابلے میں ہار جانے کے بعد زہنی طور پر مرعوب ہوجانا- عقب : پچھلی طرف، پیچھے کا حصہ- پیش قدمی: آگے بڑھنا، پہل کرنا. منقسم: تقسیم شدہ، بٹی ہوئی، تتر بتر- مٹھی بھر: تعداد میں نہیات کم محدود

Question # 19

اقتباس:دوسروں سے کام لینے کا انھیں بڑآاچھا سلیقہ تھا. وہ کچھ ایسے مہر آمیز طریقے سے کہتے تھے. اور اسطرح ہمت افزائی کرتے تھے کہ لوگ خوشی خوشی ان کاکام کرتےتھے. اپنے ملازموں اور ماتحتوں سے بھی ان کا سلوک ایسا تھا کہ وہ ان کی فرمائش کی تعمیل ایسی تن دہی اور شوق سے کرتے تھے جیسے ان کا کوئی زاتی کام ہو اور وقت پر جان لڑادیتے تھے". سیاق و سباق تحریر کریں.

Ans 1: سیاق و سباق: محسن الملک پارس تھے جو بھی ان سے چھو گیا، کندن ہوگیا- حیدرآباد دن میں ان کی سیاست دانی ، تدبر اور انتظامی صلاحیت کے جوہر سامنے ائے- انھوں نے حیدرآباد کا نظم و نسق نہایت خوبی سے چلایا جب تک رہے نہایت دل عزیز رہے. انھیں ابتدا ہی سے مذہب سے لگاؤ تھا. اعلی درجے کے مقرر تھے. بڑے بڑےجلسوں میں فصاحت اور خوش بیانی کے جوہر دکھاتے ،شگفتہ مزاج بھی تھے.
Ans 2: محسن الملک مطالعے کے شوقین تھے. اخبارات اور عربی، فارسی، اور اردو کی کتب کا مطالعہ کرتے انگریزی کی عمدہ کتابوں کا ترجمہ کرواکر پڑھتے .

Question # 20

مشکل الفاظ کے معنی تحریر کریں -

Ans 1: بدستور؛ مسلسل، حسب سابق- پریکٹس: ڈاکٹری مشق، روز مرہ کا کام، بخوبی چلنا- سر کھجانے کی فرصت: زرا بھر فارغ وقت- ڈسپنسری: چھوٹا ہسپتال-تنتا بندھا رہتا : بھیڑ لگی رہتی- منت سماجت کرنا: عاجزی سے التجا کرنا

Latest Educational News Stories

Pakistan's Largest Database of Colleges and Universities

BS Programs

University Past Papers

University Results

Exam Results 2024

Study Abroad Programs and Opportunities for Pakistani Students

Second Year Urdu Full Book Short Questions Online Preparation

Urdu ICS Part 2 Urdu Full Book Short Questions Preparation

Urdu ICS Part 2 Urdu Full Book Short Questions Preparation

مندرجہ زیل اقتباس کا حوالہ متن، سیاق و سباق کے حوالے سے تشریح کریں - اقتباس: " لیکن احمق ! ہونی کو............. زبان سے نکلتی ہے."

مشکل الفاظ کے معنی تحریر کریں.

اکبری اور حماقتیں کا خلاصہ بیان کریں.

مشکل الفاظ کے معنی تحریر کریں -

مشکل الفاظ کے معنی تحریر کریں -

مشکل الفاظ کے معنی تحریر کریں -

سبق اکبری کی حماقتیں کے اقتباسات کی تشریح حوالہ متن ، سیاق و سباق کے حوالے سے تشریح کریں-

مشکل الفاظ کے معنی تحریر کریں.

سبق مولانا ظفر علی خاں کا مرکزی خیال بیان کریں.

سیاق و سباق کے حوالے سے درج زیل اقتباس کی تشریح کریں نیز سبق کا عنوان اور مصنف کا نام بھی لکھیں. " اگر کوئی مرزاغالب................. محفوظ رہتے ہیں."

سبق محنت پسند خرد مند کا تعارف و پس منظر بیان کریں.

مشکل الفاظ کے معنی تحریر کریں-

سبق مولوی نذیر احمد کا سبق کا خلاصہ تحریر کریں -

مشکل الفاظ کے معنی تحریر کریں -

مشکل الفاظ کے معنی تحریر کریں -

مشکل الفاظ کے معنی تحریر کریں -

12th Class Urdu Preparation

Share your comments & questions here